SÍBS og Hjartaheill hafa um margra ára skeið gengist fyrir reglulegum mælingum á blóðþrýstingi og blóðgildum víða um land sem lið í vitundarvakningu um hjarta- og æðasjúkdóma. Samtök sykursjúkra taka þátt í verkefninu frá og með haustinu 2017 sem lið í sínu forvarnarstarfi og þjónustu við landsbyggðina.
SÍBS, Hjartaheill, Neistinn, Astma- og ofnæmisfélag Íslands og Samtök lungnasjúklinga eru aðilar að Stuðningsneti sjúklingafélaganna þar sem hægt er að óska eftir jafningjastuðningi. Nánari upplýsingar um þjónustu aðildarfélaga SÍBS má finna á heimasíðum þeirra.