Mæting við Salalaug í Kópavogi og lagt af stað í gönguna kl. 18:15. Gengnir verða rúmir 6 km um Salahverfið og meðfram landamærum Kópavogs og Breiðholts. Hringt verður í lögregluna ef óróleiki myndast á milli Kópavogs- og Breiðholtsbúa í göngunni.
Við reynum að nýta okkur brekkur og tröppur í hækkun á leiðinni. Gengið verður sæmilega rösklega en þó miðað við að ekki myndist mjög langt bil á milli fremsta og aftasta manns og eitthvað verður stoppað á leiðinni. Einar Skúlason leiðir gönguna. Verið búin samkvæmt veðri, takið hálkubrodda með ef aðstæður eru þannig.
Gangan er ókeypis fyrir þátttakendur og allir velkomnir.
SÍBS Líf og heilsa býður ókeypis heilsufarsmæling í samstarfi við Heilsueflandi Kópavog laugardaginn 16. mars í Salalaug, kl. 09-16.