Voráskorun Vesturbær Kópavogs

Mæting við hús Bókasafns Kópavogs og Náttúrufræðistofu Kópavogs og lagt af stað í gönguna kl. 18:15. Gengnir verða ca 6 km um Kársnesið í Vesturbæ Kópavogs.

Við reynum að nýta okkur brekkur og tröppur í hækkun á leiðinni. Gengið verður sæmilega rösklega en þó miðað við að ekki myndist mjög langt bil á milli fremsta og aftasta manns og eitthvað verður stoppað á leiðinni. Einar Skúlason leiðir gönguna. Verið búin samkvæmt veðri, takið hálkubrodda með ef aðstæður eru þannig.

Gangan er ókeypis fyrir þátttakendur og eru allir velkomnir.

Athugið að ókeypis heilsufarsmælingar SÍBS Líf og heilsu í samstarfi við Heilsueflandi samfélag í Kópavogi verður laugardaginn 9. mars í bókasafninu, kl. 09-16.