22maí
Stóri Hvaleyrarvatnshringurinn - 150 km áskorun
22. maí 2019, kl. 18:15 – kl. 20:15
Bílastæði vestur af Hvaleyrarvatni

Stóri Hvaleyrarvatnshringurinn er ekki umhverfis vatnið heldur umhverfis stórt svæði suður af vatninu. Við göngum meðfram hraunjaðri, í skógrækt og sjáum fjölbreytt landslag og fjallasýn. Gangan meðfram Hvaleyrarvatni er svo rúsínan í pylsuendanum.

Komið er saman við bílastæðið vestur af vatninu (stærra bílastæðið) og lagt er af stað í gönguna kl. 18:15. Vegalengd er ca 8 km og hækkun ca 100 m. Gera má ráð fyrir að gangan taki 1,5-2 tíma með stoppum.

Gangan er hluti af 150 km áskorun SÍBS og Vesens og vergangs. Áskorunin felst í því að þátttakendur stefna að því að ganga 150 km alls dagana 1. maí til 15. júní (báðir meðtaldir). Það er nóg að ganga 3,3 km á dag til að standast áskorunina. Sumir vilja ganga á jafnsléttu á meðan aðrir vilja ganga á fjöll. Þetta er ekki keppni á milli fólks eða liða, þetta er áskorun fyrir sjálfan þig og tækifæri fyrir aðra til að hvetja þig áfram. Nánari upplýsingar um 150 km áskorunina á Facebook.