Hreyfing hefur verið í aðalhlutverki frá örófi alda, allt frá því að menn lögðu langar vegalengdir að baki á degi hverjum við að draga björg í bú og unnu um leið ýmis dagleg verk sem kröfðust líkamlegs erfiðis. Í nútímasamfélagi hefur þróun tækninnar dregið úr mikilvægi hreyfingar í tengslum við lífsviðurværi fólks. Samgöngufarartæki eru orðin algengari, kyrrseta í vinnu, sjónvarpsáhorf og tölvu/skjánotkun.